新 留影

Nýjar myndir (skrifað á mandarin). Jájá, maður er sko ekki bara að læra matvælafræði hérna suðurfrá ;o)

Endilega, kíktu á myndasíðuna þar leynast nýjar myndir. Mæli með því að skoða þær sem slideshow, miklu flottara þannig.

skór

Ástralir fara víst ekki úr skónum heima hjá sér...alltaf upplifir maður eitthvað nýtt. Í sumum löndum eru inniskór í hávegum hafðir.

Þetta er bara svo misjafnt.

~sinn er siðurinn í landi hverju, ójá~

Þinghús Viktoríu

Þinghús Viktoríufylkis var opið í dag, til sýnis fyrir almenning. Viktoríska þingið er nefnilega 150 ára gamalt í ár, ungabarn miðað við íslenska þingið. Eníveis....við túristarnir tókum stefnuna á Viktoríska þinghúsið í dag.

Litlir þröngir gangar út um allt. Matsalur, svalir og fínasti garður. Skoðuðum líka kjallarann í húsinu - greinilega enginn vínkjallari þar á ferðinni, leyndust engar vínflöskur þarna. Ríkisstjórnin situr andspænis stjórnarandstöðunni í þingsalnum, grænir stólar, dökkt timburverk og kallar með hvítar hárkollur. Smá ´british style´. Tímaglas á miðjuborði þingsalarins, svona til að gæjarnir og píurnar tali nú ekki of lengi.

takk

Takk fyrir allar afmæliskveðjurnar!! :o)
Kveðjurnar voru á öllum mögulegum formum. Hér á blogginu, sem email, sms, símtöl, bréf, póstkort, umslög og pakkar.

Takk takk takk :o)

25 ára

ég á 25 ára afmæli í dag :o)

myndir

~smellti nokkrum myndum á myndasíðu~

mæli með því að skoða þær sem slideshow, miklu flottara þannig ;o)

Stefansdottir

Ste....eehh...how do you pronounce that??

Einn kennarinn gafst upp og sagði bara Stefano, hehe :o)

brosandi hringinn

jájájá....mín brosandi hringinn núna :o)

Þvílíkur léttir að vera búinn með prófin, klára fyrstu önnina og kærastinn á leiðinni hingað suðureftir í næstu viku, jibbííí :o)

Hvað liggur fyrir næstu daga? Dekra smá við sig í tilefni próflokanna - jájá, það held ég nú. Pakka óskemmtilegri fögunum niður. Tjahhh, eða upp í hillu, heitir það að pakka upp?? Njóta borgarinnar og lífsins, án skólabókanna!

kvöldlestin

Það er kvöld, gluggi opinn til að stúdentinn fái nú ferskt loft í lungun.

Í fjarska heyrist mjúklega túúúú.....túúúú.....

Mér finnst voða sætt að heyra í lestinni. Lestin ber fólk á milli staða, fólk að koma og fólk að fara. Fólk á ferðinni. Sumir á leiðinni heim, aðrir kannski á meira ferðalagi. Ég er kyrr, held áfram að lesa, bara eitt próf eftir....

eitt í viðbót...

jebb, bara eitt lítið próf eftir - víííííí!!

Og það er sko ekki þriggja tíma próf, bara tveggja tíma. Enn betra :o)
Þegar ég spái í því, þá hugsa ég hafi ekki farið í tveggja tíma lokapróf...bara þriggja og fjögurra tíma. Maður en nú svo sem búinn að vinna fyrir því að fá bara tveggja tíma próf, ritgerð upp á alltof margar blaðsíður (vó 40% af einkunninni) segir eitthvað.

Get ekki lýst því hvað ég verð hrikalega, rosalega, svaka svaka mucho mikið ánægð með að klára þessi blessuðu próf :o)

fyrsta prófið

Fyrsta prófið var í dag, fyrsta lokaprófið mitt í skólanum.
Þetta hljómar nú doldið undarlega, fyrsta lokaprófið...hehe

Próftíminn, 5:45-9 PM. Já að kvöldi til, stórskrítinn próftími. Þeir í útlandinu geta verið svo skrítnir...
Hins vegar fannst mér fyrirkomulagið nokkuð sniðugt. Fyrstu 15 mínúturnar voru lestrartími (bannað að skrifa), ætlað í að lesa yfir prófspurningarnar, spyrja kennarann og mynda svör í huganum. Næstu þrír klukkutímarnir voru svo ætlaði í að skrifa (kennarinn kíkti við á þeim tíma).

Næsta próf er á föstudaginn og svo síðasta prófið eftir viku.

Það verður sko gott að klára þessi blessuðu próf! En já, tek bara þrjú próf. Eitt námskeiðið var próflaust, bara í staðinn með heilt fjall af verkefnum.

fréttaþorsti

Var stödd í sporvagn um daginn. Rautt ljós og sporvagninn stoppar, í brekku notabene. Maðurinn sem stjórnaði sporvagninum labbar bara út úr sporvagninum, takk fyrir.

-Mín meira en smá hissa - hvað er maðurinn eiginlega að gera??

Hann gengur í áttina að Hungry Jack´s (Burger King).

-Aha....hann er svona svangur já...

Maðurinn nemur staðar fyrir framan dagblaðsstand fyrir dagblaðið Mx (frítt dagblað), krækir sér í eintak. Rúllar blaðinu saman og smellir því í rassvasann á meðan hann röltir til baka í sporvagninn. Hann kemur akkurat á réttum tíma, græna ljósið var að birtast.

-þetta er að vera fréttaþyrstur í meira lagi

fjórir punktur einn

Meðaleinkunn eins hlutaprófs í einu námskeiði var 4.1 (þeir nota punkt en ekki kommu hérna nidur frá) .

Það þarf 5 til að ná prófunum í þessum skóla.

En svona fer þetta bara þegar kennarinn smellir spurningum úr efni sem ekki hefur verið minnst á í fyrirlestrum, er ekki minnst á í bókinni (bókunum) og er heldur ekki á glærunum úr fyrirlestrunum.

Mér fannst mér hafa gengið afleitlega og var ekkert kát eftirá, samt náði ég prófinu og var vel yfir meðaltalinu. Ætli maður eigi þá ekki bara að vera stoltur og ánægður?